Një ndërprerje masive e energjisë elektrike la në terr 130,000 shtëpi dhe biznese në San Francisko të shtunën, thanë zyrtarët. Ndërprerja e energjisë la një pjesë të madhe të zonës veriore të qytetit në errësirë, duke filluar me lagjet Richmond dhe Presidio si edhe zonat përreth Golden Gate Park, me ndërprerjen që u zgjerua edhe më shumë. Zyrtarët lokalë nuk kanë bërë ende të ditur shkakun e ndërprerjes së energjisë por ajo ka prekur afërsisht një të tretën e klientëve në qytet. Postimet në mediat sociale dhe mediat lokale raportuan mbyllje masive të restoranteve dhe dyqaneve ndërkohë që tregonin qytetin e zhytur në terr, me dritat e rrugëve dhe dekorimet e krishtlindjeve të fikura.