Polonia tha të martën se po shtonte trupat ushtarake në kufirin e saj lindor pasi akuzoi Bjellorusinë, aleaten më të ngushtë të Rusisë, se kishte shkelur hapësirën e saj ajrore me helikopterë ushtarakë. Ushtria Bjelloruse mohoi të ketë bërë një shkelje të tillë dhe akuzoi anëtaren e NATO-s, Poloninë, një nga mbështetësit më të flaktë të Ukrainës në luftën me rusinë, se po fabrikon akuza për të justifikuar shtimin e trupave të saj. Presidenti Bjellorus, Aleksander Lukashenko, më herët ka bërë presion mbi poloninë me praninë e mercenarëve rusë të Vagnerit afër kufirit të përbashkët. Ministria polake e mbrojtjes tha se do të dërgonte forca shtesë dhe burime të tjera, përfshirë helikopterë ushtarakë. Ajo tha se kishte informuar NATO-n për shkeljen e hapësirës ajrore dhe i ngarkuari me punë i bjellorusisë në varshavë është thirrur për të dhënë sqarime. Ushtria polake fillimisht mohoi të kishte ndodhur një shkelje kufiri por pas konsultimeve tha se ndërhyrja kishte ndodhur në një lartësi shumë të vogël, që është e vështirë të interceptohet nga radarët.