Policia e Shetit ka goditur dy raste të veprimtarisë kriminale të lojrave të fatit. Ky është momenti i finalizimit të aksionit policor ‘Joker’ në Tiranë, ku nëntë persona u kapën në flagrancë duke organizuar lojëra fati në një lokal në Sharrë. Mes të arrestuarve ishte 29-vjeçari me iniciale D.Xh. për organizim të lojarave të fatit dhe vënien në dispozicion të lokalit për ushtrimin e tyre. Uniformat blu sekuestruan një tavolinë pokeri me çipsa, aparate celulare dhe një pajisje DVR. Policia finalizoi një tjetër operacion në Elbasan, duke vënë në pranga Dhimitër Kriston, pronarin e lokalit ku organizoheshin lojëra fati nëpërmjet celularëve dhe eshtë proceduar penalisht një tjetër shtetas. Policia bën me dijë se gjatë kontrollit të ushtruar në lokalin e 60-vjeçarit, në lagjen "Shënkoll", u gjetën në celularin e tij, biseda dhe aplikacione për vënien e basteve sportive. Unifomat blu sekuestruan edhe celularin e shtetasit tjetër 49-vjeçar që u kap brenda ambienteve të lokalit.