Numri i rasteve të reja me Covid 19 në vendin tonë ka pësuar një ulje të ndjeshme ditët e fundit. Këtë të enjte janë shënuar 466 raste të reja nga 2 mijë e 503 testime të kryera. Ndërkohë që të mërkurën pati 228 raste, ndërsa të martën dhe të hënën 195 raste. Tirana vijon të jetë qarku më i infekuar në të gjithë vendin, ku këtë të enjte ka regjistuar 186 raste të reja. Gjatë 24 orëve të fundit janë shënuar 3 viktima. Betejën me virusin e rrezikshëm nuk e fituan një qytetare nga Durrësi 75 vjeçe, një qytetar nga Kruja 81 vjeç, një qytetar nga Berati 85 vjeç. Kështu numri i qytetarëve të infektuar me covid që nga fillimi i pandemisë ka shkuar në 200,639, ndërsa ai i viktimave 3,104. Aktualisht në spitalet COVID po marrin trajtim 142 pacientë, nga të cilët 14 janë në gjendje më të rënduar. Po gjatë këtij harku kohorë janë shëruar 524 pacientë, duke e çuar në total numrin në 190,902. Aktualisht numri i rasteve aktive me covid llogaritet 6,633 në të gjithë vendin.