Përdorimi i aplikacioneve të lidhura me internetin ndjeshem po ul përdorimin e thirrjeve ndërkombëtare nga rrjetet celulare. Kete e konfirmojne edhe të dhënat nga Autoriteti i Komunikimeve Elektronike dhe Postare, (AKEP) tregojnë se në tremujorin e dytë të vitit, trafiku total i thirrjeve ndërkombëtare ra 43% më pak, krahasuar me të njëjtën periudhë të një viti më parë. Vitin e kaluar volumi i thirrjeve ndërkombëtare pësoi tkurrje me 25% dhe ka arritur nivelet më të ulëta historike, megjithëse operatorët prej vitesh i kanë përfshirë në disa prej paketave mujore të komunikimit. Rënia e trafikut të thirrjeve ndërkombëtare është një shembull tipik sesi interneti dhe aplikacionet Over the Top, si Whatsapp, Viber, etj po e ndryshojnë mënyrën e komunikimit dhe të përdorimit të aparatit celular. Këto aplikacione po japin një efekt të ndjeshëm edhe në trafikun kombëtar të shërbimeve.