Rastet aktive në vend kanë pësuar një ulje drastike, ku këtë të hënë janë regjistruar 85 raste të reja nga 1 mijë e 754 testime të kryera. Ndryshe nga një ditë më parë ku u regjistraun 206 raste të reja, këtë të hënë, ka 121 raste më pak. Tirana vijon të jetë qarku më i rrezikuar. Edhe pse rastet kanë rënë, 23 persona mbeten aktivë në kryeqytet. Mirëpo, edhe pse rastet janë ulur, numri i viktimave vijon të jetë i lartë. Ministria e Shëndetësisë ka bërë me dije se janë shënuar 6 humbje jete. Betejën me virusin nuk e fituan një qytetare nga Tepelena 69 vjeçe, një qytetar nga Elbasani 72 vjeç, një qytetar nga Durrësi 80 vjeç, një qytetare nga Kavaja 81 vjeçe, një qytetar nga Vlora 85 vjeç dhe një qytetare nga Tirana 88 vjeçe. Aktualisht në spitalet COVID po marrin trajtim 71 pacientë, nga të cilët 14 janë në gjendje më të rënduar. Në 24 oprët paraprakë janë shëruar 633 qytetarë, duke e çuar numrin e të shëruarve në 263,035 që nga fillimi i epidemisë. Ndërkohë, 3969 qytetarë janë aktivë me covid19 në të gjithë vendin.