Presidenti i Shteteve të Bashkuara të Amerikës, Joe Biden i ka venë një ultimatum Serbisë për të arritur sa më shpejt një kompromis më Kosovën Në një letër urimi për mandatin e ri si president të Serbisë, kreu i Shtëpisë së Bardhë ia kujton Vuçiçit rëndësinë e marrëveshjes përfundimtare me Kosovën. Biden i ka kërkuar presidentit serb që të ndërmarrë veprime aktive për zgjidhje të shpejtë. ‘Duke qenë se ka lënë prapa zgjedhjet, e inkurajoj Serbinë të bëjë hap para në promovimin e paqes dhe stabilitetit në rajonin dhe të gjëjë kompromis kur është i nevojshëm – me qëllim të normalizimit të shpejtë të marrëdhënieve me Kosovën”, thuhet në mesazhin që Biden i ka drejtuar Vuçic. Kreu i Shtëpisë së Bardhë premton gjithashtu se Shtetet e Bashkuara do të vazhdojnë të ndihmojë si Beogradin ashtu edhe Prishtinën për ta arritur paqen. Sipas presidentit amerikan, hapi i parë është rikthimi në dialogun e mbështetur nga SHBA.