Presidenti i SHBA, Joe Biden në një letër të drejtuar presidentit të Serbisë, Aleksandar Vuçiç, për Ditën e Shtetësisë Biden ka inkurajuar Serbinë të marrë veprime proaktive për dialogun me Kosovën. Bideni ka garantuar se SHBA-ja do të punojë ngushtë me Serbinë e Kosovën dhe Bashkimin Evropian në dialog, ndërsa është shprehur se kompromiset duhet përfshihen nëse është e nevojshme. “Me zgjedhjet pas jush, inkurajoj Serbinë të ecë përpara në promovimin e paqes dhe stabilitetit në të gjithë rajonin dhe të ndërmarrë hapa proaktivë, duke përfshirë kompromisin kur është e nevojshme, në mënyrë që të normalizohen shpejt marrëdhëniet me Kosovën përmes dialogut nën kujdesin e Bashkimit Evropian. Shtetet e Bashkuara do të vazhdojnë të punojnë ngushtë me ju, Prishtinën dhe partnerët tanë të Bashkimit Evropian për të arritur këtë qëllim të rëndësishëm”, thuhet ndër të tjera në letrën e Bidenit për Vuçiçin.