Ndonëse presidenti në detyrë I shteteve të Bashkuara të Amerikës ka shfaqur paqëndrueshmëri fizike e mendore përballë kundërshatarit të tij Donald Trump, ai ndidhet I tradhtuar nga demokratët si Obama. Ky zemrim i Biden, vjen pasi Obama dhe demokratët e tjerë po përpiqen ta bindin atë të tërhiqet nga gara, për t’I lënë vendin dikujt tjetër. Sipas burimeve, presidenti ishte “i zemëruar” dhe personalisht i lënduar nga mënyra sesi po përpiqen ta largojnë. Bashkëpunëtorët e 81-vjeçarit zbuluan për mediat amerikane se Biden foli për marrëdhënien e tij me Obamën dhe se ai tha se ndihej i “tradhtuar” dhe “i zemëruar” sepse ish-presidenti amerikan nuk e mbështeti gjatë fushatës kundër kandidaturës së tij për zgjedhjet e nëntorit. Përveç Obamës, Biden ka një mendim të ngjashëm për demokratët e tjerë që kanë sugjeruar, publikisht ose privatisht, që ai të tërhiqet nga gara. Bëhet fjalë për Bill dhe Hillary Clinton, Nancy Pelosi, Adam Schiff dhe anëtarë të tjerë të lartë të Partisë Demokratike. Por përkundër kërkesave në rritje për tërheqjen dhe zëvendësimin e tij në garë, Biden duket I vendosur të vijojë përballë Trump, të cilin e konsideron si një të keqe të madhe për Amerikën.