Prokuroria e Tiranës ka thirrur ish kryeministrin Sali Berisha të paraqitet të enjten aty për t’u marrë në pyetje në lidhje me protestën e datës 8 janar, të thirrur nga vetë ai. Bëhet me dije se bashkë me Berishën është thirrur edhe deputeti Flamur Noka, mbështetës i Berishës, i cili po ashtu do të japë versionin e tij lidhur me protestën. Kërkesa për të dhënë dëshmi në prokurori është caktuar të bëhet në orën 11 të paradites. Vecc kësaj bëhet me dije se një ditë pas Berishës dhe Nokës, prokuroria ka kërkuar edhe kreun e partisë demokratike Lulzim Basha bashkë me sekretarin e përgjithshëm të kësaj partie Gazmend Bardhi. Këtë të mërkurë gjykata la të lirë 34 protestuesit, të cilët u akuzuan për nxitje dhunë në protestën e 8 janarit. Gjykata nuk ka lënë asnjë në qeli dhe as arrest shtëpiak për asnjë nga protestuesit, por vetëm caktoi detyrim paraqitje.