Agjencia e Bashkimit Europian për Sundimin e Ligjit, EUROPOL, ka ngritur alarmin e përhapjes së krimit të organizuar në vendet e BE. Lajmi është konfirmuar nga shefja e EUROPOL, Catherine De Bolle, për revistën Gjermane Der Spiegel. “Krimi i organizuar është në rritje. E shfrytëzon secilën dobësi”, ka theksuar Catherine De Bolle. Po ashtu ajo ka ngritur alarmin se “Rritja e tregtisë së drogës është duke nxitur dhunën”. Sipas Europolit, prodhimi i kokainës në Amerikën Qendrore dhe Jugore është në pikun e vet dhe Evropa është e larë në drogë. “Situata është dramatike”, ka thënë De Bolle, duke përmendur se po vërehet rritje e tregtisë edhe për droga tjera. Sipas hulumtimeve të autoritetit policore, me bazë në Hagë, në BE janë aktive 821 rrjete serioze kriminale me më shumë se 25.000 anëtarë, që janë kthyer në grupe shumë profesionale dhe të pamëshirshme. Pamjet: AFP