Edhe pse nuk është e sigurtë nëse takimet e radhës Kosovë-Serbi do të znvillohen, Bashkimi Europian planifikon zhvillimin e tyre të, dielën dhe të hënën e të martën e javës së ardhshme. Mësohet se i dërguari i posaçëm i bllokut për dialogun mes dy palëve, Mirosllav Lajçak, I ka dërguar tashmë ftesat. BE-ja kërkon nga palët që në nivel koordinatorësh për dialog të diskutohet të dielën në 27 shtator dhe të hënën me 28 shtator, ndërsa takimi në nivelin e lartë mes kryeministrit të Kosovës, Avdullah Hotit dhe presidentit të Serbisë, Aleksandar Vuçic, të mbahet të marten. Por edhe pse ftesat janë nisur, Brukseli nuk e ka bërë ende publike këtë dhe nuk ka shpallur mbajtjen e ndonjë takimi. Nga BE-ja përsëritet vetëm se “sapo të kenë ndonjë vendim për këtë çështje do ta bëjnë njoftimin publik. Pengesa kryesore për zhvillimin e takimeve të planifikuara nga BE-ja janë qëndrimet e palëve rreth diskutimit për marrëveshjen e krijimit të Asociacionit të komunave me shumicë serbe, që diskutohet në kuadër të temave të ashtuquajtura ,“aranzhimet për komunitetet joshumicë”. Në Kosovë vazhdojnë të insistojnë se kjo është “çështje e mbyllur” dhe nuk do të flitet në Bruksel, ndërsa delegacioni i Serbisë e ka kushtëzuar praninë në vazhdim të dialogut pikërisht me gatishmërinë e Kosovës për të diskutuar për këtë temë.