Top News/ BE kërkon hetime për shpërthimin/’Sulm terrorist e akt sabotues’, autorët para drejtësisë
01/12/2024 12:17

BE po ndjek nga afër zhvillimet e fundit në Kosovë. Shpërthimin në kanalin e Ibër-Lepencit nga i cili rrezikohet furnizimi me ujë dhe energji elektrike për qindra mijëra qytetarë të Kosovës, Bashkimi Evropian e ka cilësuar si sulm "terrorist” dhe akt "sabotues” dhe kërkon hetimin e ngjarjes dhe vënien e autorëve të sulmit para drejtësisë. Kreu i diplomacisë evropiane në largim, Josep Borrell, në një njoftim për shtyp të publikuar të shtunën, tha se "BE-ja e dënon ashpër sulmin terrorist të kryer të premten në kanalin ujor në Ibër-Lepenc në Zubin Potok në veri të Kosovës. Është një akt i neveritshëm sabotimi në infrastrukturën kritike civile të Kosovës, e cila siguron ujë të pijshëm për një pjesë të konsiderueshme të popullsisë së Kosovës dhe është një komponent jetik i sistemit energjetik të Kosovës”. Borrell tha, se mesazhet e solidaritetit dhe mbështetjes ia ka përcjellë drejtpërdrejt kryeministrit Albin Kurti pasditen e së shtunës. Në një operacion që u zhvillua në shkallë të gjerë në veri të Kosovës gjatë të shtunës, policia arrestoi tetë persona të dyshuar në lidhje me shpërthimin, duke konfiskuar edhe sasi të mëdha armatimi, dhe pajisje tjera ushtarake. Drejtori i përgjithshëm i Policisë së Kosovës, Gazmend Hoxha tha, se janë identifikuar disa persona si të dyshuar të mundshëm për nxitjen e akteve të dhunës, organizimit apo ekzekutimit të sulmit të fundit dhe të tjerave në veri të vendit. Dyshohet se janë përdorur 15 deri në 20 kg lëndë shpërthyese. Ai tha se policia "beson se në një formë apo një tjetër, personat e arrestuar kanë qenë të lidhur me sulmin dhe me aktivitete ilegale të mëhershëm dhe shumica nga ta janë pjesë të Mbrojtjes Civile”. Këtë organizatë që operon në veri të Kosovës qeveria në Prishtinë vitin e shkuar e ka shpallur organizatë terroriste. Ministri i Brendshëm i Kosovës, Xhelal Svecla, tha ndërkohë se shpërthimi ndaj kanalit të Ibër-Lepencit, aset ky që cilësohet i një rëndësie të veҫantë për termoelektranat e Kosovës, ujin e pijshëm dhe ngrohjen e kryeqytetit, ishte sulmi më i rëndë ndaj infrastrukturës kritike të vendit që pas luftës në Kosovës të vitit 1998-1999. Kryeministri i Kosovës, Albin Kurti të shtunën bëri përgjegjëse Serbinë për sulmin, që ai e cilësoi "kriminal dhe terrorist" por presidenti i Serbisë, Aleksandar Vuçiç, mohoi në mënyrë kategorike përfshirjen e Serbisë duke thënë se "Beogradi nuk ka asnjë lidhje me atë çfarë ndodhi në veri të Kosovës dhe këtë e di edhe Prishtina”.

Top News- Kurti drejt takimit me Vuçiç/ Sorensen bën gati terrenin për të nisur dialogu
11/06 14:44
Top News – Vuçiç tradhëton Putinin, shkon në Ukrainë herë të parë i ftuar në samitin rajonal
11/06 14:06
Top News- Shkarkohen 3 deputetë ekstremistë/ Mashtruan me votat, pjesë e partisë të Spartanëve
11/06 11:52
Top News- Detaje nga arrestimi I ish-policit në Serbi/ Akuzohet për vr*sje të rëndë në Banjskë
10/06 17:15
Top News – Serbia merr borxh për Francën. 2 mld euro për të paguar avionët luftarakë ‘Rafale’
10/06 14:45
Top News- Izraeli bllokoi ndihmat për Gazën/ Shpërthejnë protesta masive në Athinë dhe Selanik
10/06 12:34
Top News- Dodik arreston kundërshtarët / Prangoset për korrupsion kreu i opozitës serbe në Bosnje
09/06 11:32
Top News – I kërkuari nga SPAK në Shqipëri. Shpërndarës kokaine e ekstazie në Mikonos në Greqi
09/06 10:15
Top News – Testi i parë për qeverinë e Vuçiçit / Votohet në dy komuna të vogla, zgjedhje lokale
08/06 14:21
Top News- Beogradi fushatë agresive në Kosovë/ Serbia, ‘mashë’ e Rusisë për destabilizim
07/06 13:53
Top News- Dialogu me Serbinë/ Bislimi takohet me të dërguarin e BE, Sorensen
02/06 19:30
Top News- ‘Puç shteti në Serbi’, alarmohet Vuçiç! Kush janë organizatorët?
02/06 19:00
Top News – Marrëveshja e detit rikthehet në tryezë. Hasani në Greqi, mediat greke: Palët drejt Hagës
01/06 13:09
Top Channel/ Shqiptari eleminon shqiptarin në Podgoricë. Plumbat i marrin jetën Binak Kabashit
31/05 21:57
Top Channel/ Protestat studentore, dorëzohet Vuçiç/ Presidenti serb njoftoi zgjedhje të parakohshme
30/05 23:03
Top Channel/ Vucic akuzon Perëndimin: Po hesht për incidentet në veri të Kosovës!
30/05 11:23
Top News- Greqia ashpërson ligjet për azilkërkuesit/ Dënime më të ashpra kush refuzon të kthehet
28/05 18:50
Top News- Serbia diskriminon shqiptarët në Luginë/ Spastrim masiv nga të gjitha institucionet
28/05 18:15
Top Channel/ Mirë me Rusinë, mirë me SHBA-në? Vuçiç nderon ligjvënësen amerikane!
28/05 15:08
Top News-Taksistët grevë në aeroportin e Athinës/ Bllokojnë hyrje-daljet, kërkojnë lehtësira fiskale
28/05 15:01