Tarifat e reja gjithëpërfshirëse të presidentit amerikan, Donald Trump, ndaj dhjetëra vendeve anembanë botës, hynë në fuqi të mërkurën pas mesnatës. Menjëherë pas nisjes së masave, Trump publikoi një mesazh në platformën e tij Truth Social, duke deklaruar: "Eshtë mesnatë!!! Miliarda dollarë në tariffa po rrjedhin tani në Shtetet e Bashkuara të Amerikës!" Sipas njoftimit të Shtëpisë së Bardhë, nga kjo kohë mallrat që vijnë nga mbi 60 shtete dhe Bashkimi Evropian do të përballen me tarifa prej 10% ose më shumë. Importet nga BE-ja, Japonia dhe Koreja e Jugut do të tatohen me një normë 15%, ndërsa për Tajvanin, Vietnamin dhe Bangladeshin kjo normë do të shkojë në 20%.