Shtetet anëtare të Bashkimit Evropian do të propozojnë që urgjentisht në kornizën negociuese të Serbisë për anëtarësim në bllok të përfshihet edhe zbatimi i Marrëveshjes drejt normalizimit të raporteve me Kosovën dhe të gjitha obligimet nga marrëveshjet e kaluara në kuadër të dialogut. Ky propozim pritet të bëhet në takimin e 12 dhjetorit në Bruksel të Këshillit për Çështje të Përgjithshme. Ky Këshill pritet të kërkojë nga Komisioni Evropian dhe Shërbimi i veprimit të jashtëm të BE-së të propozojë urgjentisht futjen e zbatimit të obligimeve nga dialogu për normalizimin e raporteve në kapitullin 35 të kornizës negociuese për anëtarësimin e Serbisë në bllok.Në draft, dipas Radios Evropa e lirë, kërkohet nga Serbia që të zbatojë pa parakushte të gjitha obligimet nga marrëveshja në kuadër të dialogut për normalizimin e raporteve Kosovë-Serbi, që ndërmjetësohet nga BE-ja dhe mbështetet nga Shtetet e Bashkuara.