Bashkimi Evropian njoftoi një marrëveshje paraprake me Kinën për të zbutur kufizimet që ajo kishte vendosur mbi eksportet kritike të metaleve të rralla, që kishin shkaktuar alarm në të gjithë bllokun dhe kërcënuan të paralizonin industri të tëra.Kufizimet e rrepta, të cilat u vendosën në fillim të prillit mes një konflikti tregtar me Shtetet e Bashkuara, ndikuan rëndë në furnizimin global me shtatë elementët e rrallë të tokës dhe magneteve, të nevojshëm për sektorët e mbrojtjes, energjisë dhe automjeteve."Këto kontrolle të eksportit kanë vënë një barrë të konsiderueshme mbi disa kompani evropiane", tha Ursula von der Leyen, presidentja e Komisionit Evropian, në fund të një bisedimeve në Pekin."Për të ruajtur besimin në marrëdhënien tonë tregtare, ne kemi nevojë për furnizime të besueshme dhe të sigurta të lëndëve të para kritike nga Kina", shtoi ajo.