Banka Botërore sugjeron investime në arsim, teknologji dhe kapitalin njerëzor për vendet me të ardhura të mesme, mes të cilave edhe Shqipëria. Në raport thuhet se ndërhyrjet në politikën fiskale mund të rikthejnë emigrantët në vendet e origjinës, përmes reduktimit të normave tatimore për punonjësit në fushat e kërkimit dhe zhvillimit. Kjo do të ndikonte në frenimin e largimit të specialistëve në këto fusha, dhe në afatgjatë do të ndihmonte edhe në investimet teknologjike. Në raport thuhet se që kompanitë të jenë inovative me teknologji të reja, kanë nevojë për punëtorë të kualifikuar, inxhinierë, shkencëtarë, menaxherë dhe profesionistëve të tjerë shumë të aftë. Vendet me të ardhurat të mesme sipas Bankës Botërore duhet të jenë relativisht të hapura ndaj ekonomisë dhe ideve nga jashtë.