Një baba në Kinë është ribashkuar me djalin e tij 24 vite pasi ai ishte rrëmbyer nga trafikantë njerëzorë para shtëpisë së tyre, kur ishte vetëm 2 vjec, në 1997-ën. Guo Gangtang, shpenzoi 24 vite duke kërkuar në të gjithë vendin, duke kryer më shumë se 500 mijë kilometra me një motocikletë, me dy banera në të cilët ishin vendosur foto të të birit. Pas një odiseje që zgjati rreth cerek shekulli, erdhi takimi i mbushur me lotë gëzimi, që u zhvillua para një kamere në një stacion policie, duke tërhequr vëmendjen e gjithë vendit. Ribashkimi prekës i familjes u raportua në të gjithë vendin. Në mediat sociale, vërshuan hashtaget e lexuara me qindra e miliona herë, me shumë njerëz që u jepnin edhe urime të ngrohta. Në 2015-ën, historia e babait të dëshpëruar që kërkonte të birin, frymëzoi edhe një film “Lost and love”. Rrëmbimi i fëmijëve ka qenë një problem në kinë për dekada të tëra, me mijëra fëmijë që binin në kthetrat e trafikantëve cdo vit. Por autoritetet thonë se me ndihmën e teknologjive të reja dhe bioshkencës, gjithnjë e më shumë familje po ribashkohen vitet e fundit.