Lideri demokrat, Lulzim Basha ka zhvilluar një takim me militantë të PD në hyrje të tunelit të Krrabës. Kryedemokrati u shpreh se ashtu sikur mbajti premtimin për ndërtimin e tunelit dhe liberalizimin e vizave, do të mbajë fjalën edhe për premtimet që po bën për zgjedhjet e 25 prillit. “Fjala e dhënë për tunelin e Elbasanit në vitin 2009, ku pata nderin të kryesoja listën e PD në Elbasan, është fjalë e mbajtur. E di dhe e kam ndjerë vlerësimin tuaj për këtë vepër të jashtëzakonshme (tunelin) që shndërroi shumë dimensione të jetës së përditshme të jetës së qytetarëve të Elbasanit dhe gjithë Shqipërisë. Kam ardhur të jap mesazhin sa e rëndësishme është fjala e mbajtur në politikë. Fjala e dhënë për vizat, është fjalë e mbajtur. Progami ynë për ta ofruar Shqipërinë me Evropën do nxisë ekonominë. 25 prilli është për ndryshimin e vërtetë", tha Basha.