Kreu i PD, Lulzim Basha në një bisede online me komisionerin europian Johaness Hahn ka diskutuar lidhur me rindërtimin, punësimin apo planin e opozitës. Reu demokrat u ndal në domosdoshmërinë e rikuperimit të dëmeve nga tërmeti në Shqipëri, duke shprehur edhe mirënjohjen për mobilizimin e vendeve të BE. Së pari, dua të theksoj nevojën për të ecur përpara sa më shpejt që të mundemi me rikuperimin e dëmeve të tmerrshme që tërmeti shkaktoi në Shqipëri. Dhe në këtë drejtim, jam shumë mirënjohës për mënyrën se si keni vepruar në mobilizimin e vendeve anëtare dhe vënien e ndihmës së tyre në dispozicion të vendit tim. Lideri demokrat ka kërkuar ndihmë nga BE, për fonde, lidhur me krizën aktuale që ka kapluar Europën. Komisioneri Hahn ka mbështetur pikën e planit të PD ku flitet për trajnimin e dyfishtë profesional të të rinjve, pasi rrëfeu eksperiencat nga Gjermania, Zvicra apo Austria. Në fokusin tuaj në trajnimin e dyfishtë profesional, është diçka që mund ta mbështes plotësisht me gjithë përvojën që kam nga vendi im , por edhe Gjermania, Zvicra, Austri ku kemi shumë përvojë me këto skema të formimit profesional të dyfishtë për shumë vite. Kjo është arsyeja pse në shumë vende shkalla e papunësisë së të rinjve është mjaft e ulët, sepse të rinjtë kanë mundësi të punojnë edhe gjatë arsimimit të tyre.