Në qytetin gjerman Ratingen, bankomatët shpërthyes janë një temë e nxehtë. Dy prej tyre shpërthyen të njëjtin mëngjes të muajit të kaluar në degët e bankës Santander dhe Deutsche Bank, të cilat i ndan nga njëra tjetra vetëm një rrugë. Një vit më parë, banorët e apartamenteve që ndodhen mbi bankën Santander, paditën institucionin, duke kërkuar heqjen e bankomateve, por pa sukses, nën shqetësimin se ata do të sulmoheshin...Një gjest ky që në retrospektivë mund të konsiderohet profetik në vende të tjera,. Por në Gjermani, hajdutët po hedhin në erë bankomatët me një shkallë prej më shumë se një në ditë. Sulmet janë rritur me më shumë se 40 për qind që nga 2019-ta dhe hetuesit thonë se dy janë faktorët që ndikojnë. Ekonomia më e madhe në evropë ka 53 mijë bankomatë, një numër ky relativisht i lartë që reflekton edhe preferencën e gjermanëve për para Kesh në vend të kartave bankare. Vendi po ashtu ka edhe një rrjet të gjerë autostradash dhe rrugësh në shumë prej të cilave nuk ka në fuqi asnjë limit shpejtësie. Ratingen ndodhet vetëm 70 km larg nga kufiri holandez dhe hetuesit thonë se bandat nga holanda janë fajtorë kryesorë për sulmet. Ndërkohë, frekuenca e sulmeve mbi bankomatë po bie në Holandë, pjesërisht edhe për shkak të masave të sigurisë, si psh bojë që i bën paratë të papërdorshme. Ndaj edhe sulmuesit e ATM-ve në holandë, po kalojnë kufirin dhe sipas vlerësimeve të policisë gjermane ata kanë kryer 70-80 për qind të sulmeve në gjermani që nga 2018-a. pamje: AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.