Ajo zgjedhje, sipas zyrtarëve ushtarakë iranianë, ishte sinjal se Evropa nuk ishte në shënjestër të Iranit. Të shtunën, dy javë pas vrasjes të Khameneit, Teherani lëshoi dy raketa balistike drejt Diego Garcia, një bazë e përbashkët ushtarake e SHBA-së dhe Mbretërisë së Bashkuar në Oqeanin Indian që gjendet rreth 4.000 kilometra nga territori iranian. Kufizimi duket se nuk ekziston më. Raketat nuk e goditën objektivin: njëra dështoi gjatë fluturimet dhe tjetrën e rrëzoi një luftanije amerikane. Analistët theksojnë se goditja e bazës Diego Garcia kërkon ulje drastike të ngarkesës shpërthyese të vendosur në raketën më të avancuar me rreze të gjatë të veprimit të Iranit, Khorramshahr-4, dhe ngarkesa duhet të ishte vetëm një pjesë e vogël e peshës së saj normale, duke ngritur pikëpyetje serioze lidhur me saktësinë e goditjes mbi oqean. Por, në këtë rast, sipas ekspertëve, thelbi i këtij veprimi ishte sinjali. “Rregullat e lojës kanë ndryshuar”, thotë për Radion Evropa e Lirë, Michael Horoëitz, ekspert i pavarur i mbrojtjes me seli në Izrael.