Top News – Banda shqiptare që vepronte në Spanjë / Ndërhyn Policia, 5 të arrestuar për trafik droge

Policia Kombëtare e Spanjës ka arritur të çmontojë një organizatë kriminale, me origjinë shqiptare, e njohur për trafik ndërkombëtar droge, e cila kishte si qendër Granadën. Operacioni ka ardhur në vazhdën e goditjes së një tjetër grupi kriminal pak ditë më parë në Barcelonë, të drejtuar nga shqiptarët, nga ku u arrestuan 14 persona. Këtë të hënë janë arrestuar nga Garda Civile e Spanjës 6 persona, 5 prej tyre me origjinë shqiptare dhe një spanjoll. Agjentët kanë kryer katër kontrolle në shtëpitë dhe fermat ku vepronte banda, duke sekuestruar më shumë se 11 mijë euro, 160 kg marijuanë, 10 kg polen hashash, 350 bimë marijuanë, një kallash, armë të ndryshme të së njëjtës natyrë, municione, një pistoletë me tre karikues dhe një silenciator, si dhe gjashtë automjete.