Tre persona janë vënë në prangat e policisë së Korcës, nën akuzën e grabitjes së disa banesave në këtë qytet. Të arrestuarit janë Oltion Kondi 43 vjec, Markel Qirjazi 42 vjec, dhe Xhafer Pojani 37 vjec, të tre banues në Korcë. Polcia bën me dije se këta persona kanë vjedhur disa pajise elektroshtëpiake në disa banesa dhe biznese. Personat e dyshuar në bashëkpunim me njëri tjetrin kanë mundur të marrin televizorë plazma, bizhuteri, shuma të mëdha parash, tablet dhe sende të tjera me vlerë. Në cilësinë e provës materiale, efektivët gjetën dhe sekuestruan një televizor plazma, dy celularë dhe një sasi lekësh. Sipas policisë këta tre persona kanë kryer tre vjedhje, njërën në muajin gusht, tjetrën në muajin shtator dhe më e fundit është kryer këtë të hënë. Materialet hetimore i kaluan Prokurorisë së Rrethit Gjyqësor Korçë, për veprën penale “Vjedhja”, kryer në bashkëpunim. Ndërkohë, vijon puna nga ana e policisë dhe e autoriteteve përkatëse për goditjen e kësaj veprimtari kriminale dhe vënien përpara drejtësië së këtyre autorëve.