Shpresat për të shpëtuar balenën e kequshqyer që është bllokuar në lumin e Senës, janë të pakëta por ekspertët kanë thënë se për momentin përjashtojnë mundësinë e eutanazisë. Balena e bardhë është pikasur për të parën herë të martën e shkuar në lumin që përshkon parisin deri në la Mansh. Nga e premtja, ajo ndërkohë gjendet mes dy portave bllokuese, rreth 70 km në veri të kryeqytetit francez. Por, lënia në ujëra të nxehta dhe të ndenjura për ekspertët, nuk është më opsion. Ajo duhet të zhvendoset brenda 24-48 orëve të ardhshme.