Seanca gjyqësore ndaj deputetit Ervin Salianji, për dosjen ‘Babale’ u shty sërish. Gjykata e Apelit e Juridiksionit të Përgjithshëm vendosi mbajtjen e seancës së radhës pas pushimeve verore. Shkak u bë mungesa e avokatit Indrit Sefa, që në këtë proces përfaqëson Jetmir Olldashin. Avokati ka paraqitur kërkesë për shtyrjen e seancës gjyqsore, me argumentin se nuk është në gjendje të mirë shëndetësore. Kërkesën e ka depozituar në sekretarinë e gjykatës së Apelit Tiranë. Prokurori vlerësoi të ligjshme kërkesën e avokatit Sefa dhe kërkoi nga gjykata që të shqyrtojë mundësinë e caktimit të nja avokati kryesisht. Gjykata pranoi kërkesën e prokurisë dhe caktoi avokate kryesisht Besa Nikhasanin. Pas këtij vendimi, gjykata propozoi që seanca të shtyhej për më 30 korrik, por avokatët e Ervin Salianji, Redi Ramaj dhe Marash Logu thanë se nuk mund të paraqiten për shkak të angazhimeve në procese të tjera gjyqësore. Për këtë arsye, gjykata vendosi shtyrjen e seancës më 20 shtator në orën 10:00.