Prej afroi dy vitesh vijon të shtyhet një ndër proceset gjyqësore më të rëndësishme në Gjykatën e Posaçme të Apelit. Bëhet fjalë për gjashtë të pandehurit e grabitjes së Rinasit, ngjarje ndodhur me 9 shkurt 2017, ndërsa shkak i përhershëm i këtyre shtyrjeve janë mungesa e avokatëve mbrojtës, Dash dhe Ernest Kupa. Avokatët e caktuar nga gjykata refuzojnë të marrin përsipër mbrojtjen e të pandehurve per grabitjen ne Rinas, cka ka detyruar gjykaten qe ne cdo séance te marre mase administrative me gjobe nga avokatëve te cilet refuzojnë mbrojtjen e te pandehurve. Dy avokatët e caktuar së fundmi, në seancën e kesaj te marte, janë gjobitur me 50 mijë lekë të reja dhe 100 mijë lekë të reja. Procesi gjyqësor ka ngecur në konkluzionet përfundimtar, dhe më pas pritet vendimi i Apelit të së Posaçmes. Shkalla e Parë e ish-Gjakatës për Krime të Rënda i ka dënuar të pandehurit me 107 vite në total. Dash Kupa 27 vite burg, Ernest Kupa 26 vite burg, Neim Avdylaj 26 vite burg, Fatjon Xhyliu 21 vite burg, Dritan Sinani 20 vite burg dhe Aleksandër Murataj 19 vite burg. Dy bashkëpunëtorët e drejtësisë, Ditjon Memlika dhe Admir Çerpja janë dënuar me nga 8 vite e 6 muaj burg. Përveç grabitjes jashtë pistës në aeroportin e Rinasit, ata gjithashtu akuzohen të jenë autorë të dy grabitjeve të tjera të dy bankave në vitin 2015. Ata akuzohen për veprat penale “Vjedhja e bankave” më shumë se njëherë, “Prodhim i mbajtjes pa leje të armëve luftarake” në formën e grupit të strukturuar, “Krijimit dhe pjesëmarrjes në grup të struktuaruar kriminal”.