Një avion pasagjerësh në SHBA, bëri një rënie dramatike disa minuta pas ngritjes në fluturim, për të shmangur një avion tjetër dhe manovra coi në plagosjen e dy pjesëtarëve të ekuipazhit e bëri që pasagjerët të hidheshin nga sediljet e tyre. Fluturimi Southëest sapo ishte ngritur nga Burbank-u në Kaliforni kur piloti mori një alarm për një avion tjetër aty pranë. Të dhënat nga FlightAëare tregojnë se avioni ra në pikiatë për 91 metra në vetëm 36 sekonda. Pasagjerët në bord thanë se ishin përfshirë nga paniku dhe kishin menduar se avioni do të rrëzohej në tokë. Pasagjerët që nuk kishin vendosur rripin e sigurimit, kishin fluturuar nga vendet e tyre ndërsa klithma dëgjoheshin në bord. Avioni sidoqoftë kishte mundur të vazhdonte udhëtimin për në destinacionin e tij në Las Vegas, ku u ul në mënyrë të sigurt pa ndonjë aksident tjetër. Besohet se Boeing 737 ishte afër një Haëker Hunter Mk 58, një avion luftarak britanik.