Dhjetra pasagjerë u evakuan nga një avion i American Airlines në aeroportin ndërkombëtar të Denverit, kur një nga motorët e tij mori flakë të enjten në mbrëmje, duke lëshuar tym të zi në ajër. Ky është incidenti më i fundit në një varg fatkeqësish alarmante të aviacionit dhe tragjedive të evituara për një fije peri që kanë ngjallur shqetësime në mesin e pasagjerëve. Fluturimi 1006 i American Airlines, një Boeing 737-800 në rrugë për në Fort Ëorth të Dallasit, nga Kolorado Springs, me 172 pasagjerë dhe gjashtë anëtarë të ekuipazhit në bord, u devijua për në Denver rreth orës 17:15 sipas orës lokale, pasi ekuipazhi raportoi "dridhje në motor", tha Administrata Federale e Aviacionit në një deklaratë. “Pas uljes dhe gjatë drejtimit për në një portë, një motor mori flakë”, thuhet në deklaratë. Administrata federale e aeviacionit ka nisur tani hetimin.