Një avion që ishte nisur nga Hamburgu drejt Prishtinës, bëri ulje të detyruar në aeroportin e Beogradit. Në bord ishin 155 udhëtar, ndërsa shkak, sipas ministrit Liburn Aliu u bë një problem teknik. “Autoritetet shtetërore të Kosovës në koordinim me aeroportin e Prishtinës kemi qenë në komunikim dhe koordinim të vazhdueshëm me operatorin ajror Eurowings për sigurinë dhe mirëqenien e udhëtarëve tanë që ishin në këtë fluturim”, shkroi në Facebook, ministri i Mjedisit, Planifikimit Hapësinor dhe Infrastrukturës në Kosovë Liburn Aliu. Ai sqaroi se Operatori ajror Eurowings, menjëherë organizoi punën dhe dërgoi një Aeroplan alternative për të marrë udhëtarët e mbetur në aeroportin e Beogradit. “Operatori ajror Eurowings, menjëherë ka organizuar dhe ka dërguar një aeroplan alternativ (Flt. Nr. EË6005) i cili ka marrë udhëtaret e mbetur në aeroportin e Beogradit, dhe në ora 22:56 ka fluturuar me udhëtarët e njëjtë për në qytetin e Köln në Gjermani, ku pritet të aterrojë rreth orës 00:45 pas mesnatës.”, sqaroi ministri.