Të paktën 21 persona u vranë si pasojë e një sulmi ajror izraelit në një kamp, thanë autoritetet e qytetit Han Junisit. Nga sulmi mbetën të plagosur edhe 28 të tjerë. Ushtria izraelite tha se një avion ushtarak goditi zyrtarë të lartë të Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian – që “ishin të përfshirë në aktivitete terroriste” në atë zone, shkruan Radio Evropa e Lirë. Identifikimi I viktimave sipas autoriteteve palestineze mbetet I vështirë pasi shumica e trupave kanë pasuar djegie si dhe janë të gjymtuar. Raketa goditi zonën ku ndodhet një kamp në të cilin strehohen mije persona që janë zhvendosur nga lufta. Ndërkohë më herët gjatë sulmeve të kryera në Gaza raportohet se mbetën të vrarë tetë persona, mes të cilëve katër fëmijë. Lufta e Izraelit kundër Hamasit ka shkatërruar zona të mëdha të Gazës dhe ka bërë që 90 për qind e popullsisë prej 2.3 milionë banorësh e kësaj enklave të zhvendoset disa herë.