“Miu i vetëm i mirë është miu i vdekur”, kështu deklaroi këtë javë zëvendës kryeministri australian, ndërsa Neë South Ëales ka ndezur luftën me minjtë, me një plan për të helmuar mortajën që po pushton pjesë të mëdha të shtetit. Për muaj të tërë, minjtë kanë shkatërruar fusha dhe kanë pushtuar shtëpi në australinë lindore, që nga kufiri i Viktorias në jug e deri në shtetin verior të vendit, Queensland, duke shkaktuar miliona dollarë dëme në të mbjella dhe makineri. Ndërsa dimri po afrohet, brejtësit e uritur po kërkojnë gjithnjë e më shumë strehë në shtëpitë e njerëzve. Qeveria e Neë South Ëales, po kërkon mënyrat më efikase për të luftuar minjtë. Të enjten, zyrtarët njoftuan se ata kishin siguruar 5 mijë litra të një prej kimikateve më të fuqishëm në botë për vrasjen e minjve. Jo të gjithë janë të kënaqur me këtë, gjithsesi. Shumëkush ka shfaqur shqetësimin se përdorimi i helmit për të shpëtuar të mbjellat nga minjtë, mund të cojë në helmimin e të korrave dhe të vrasë edhe kafshët e tjera lokale.