YouTube është kanali që ka rrëmbyer zemrat e të gjithëve, ka fituar aq shumë fuqi saqë është kthyer në një pjesë e pandashme e ditës. Jo vetëm informacione, këshilla, muzikë, programe televizive etj, por një kanal që jep gjithë botën në dorën tuaj. Në Shqipëri, në mungesë të matjes së audiencës televizive, e gjithë vëmendja është fokusuar tek statistikat zyrtare të Youtube. Top Channel sot është kanali më i madh televiziv në Youtube. Me mbi 1.6 milion ndjekës, dhe rreth 165 milion klikime cdo muaj në Youtube, Top Channel ka audiencën më të madhe në Shqipëri. Theksojmë se ky kanal, thyen çdo rekord, madje qëndron i pari për klikime në Youtube, duke e kryesuar në vend të parë, në krahasim me të gjitha televizionet e mbledhura bashkë. Në gamën e gjerë të prodhimeve të Top Channel, secili emision televiziv ka interaktivitet në videot e tyre me ndjekës besnik të cilët janë orientuar më së miri me tematika të trajtuara, personazhe dhe ngjarje të aktualitetit duke lënë gjurmë me anë të komenteve të tyre kritike, mbështetëse, pozitive apo negative. Deri më tani numërohen 30 programe televizive që dhurojnë emocione dhe prodhojnë atë që dëshirojnë shikuesit. Top Channel do të vijojë të jetë në vendin e parë, për klikueshmëri në YouTube, duke lënë pas, KLAN, Vizion Plus, News 24 dhe çdo televizion tjeter në Shqipëri.