Thellë në siberi ndodhet fshati më i ftohtë i botës ku temperatura -40 gradë celcius konsiderohet e ngrohtë dhe -68 gradë celcius, e përballueshme. Jakutia mund të jetë një nga vendet më të acarta në tokë por me mijëra njerëz vazhdojnë të zgjedhin të jetojnë atje, të mbështjellë me shtresa të tëra rrobash të nxehta dhe me cizme me pellush. E ndodhur në rusi, vendi është tërheqës edhe pse për shumë e shumë njerëz, vetëm pak minuta qëndrim atje do të ishin një ferr i vërtetë. Një ditë normale për një banor të jakutisë, nis me mbledhjen e druve që herët në mëngjes dhe ndezjen e zjarrit brenda në shtëpi. Këto të fundit shpesh janë të ndërtuara me pllaka betoni dhe supozohet se mund të përballojnë motin dhe të ruajnë sa më shumë nxehtësi që të jetë e mundur. Pa radiatorë apo ngrohës në horizont, shtëpitë ngrohen duke përdorur një sasi të madhe drurësh gjatë nëntë muajve të acartë kur temperatura është shumë, shumë nën zero. Por përvec ngrohjes së shtëpive, gjetja e ujit të pijshëm është detyra më e vështirë. Cdo përpjekje për një rezervuar trajtimi të ujit apo për një sistem shpërndarjeje të ujit ka dështuar gjithnjë për shkak se tubacionet ngrijnë menjëherë dhe qëndrojnë të tilla.