Personi që mbeti i plagosur në atentatin e mbrëmshëm në Tiranë e ka kaluar rrezikun për jetën, sipas burimeve nga Spitali i Traumës. Preng Gjini ka pësuar dëmtime të rënda dhe pas disa orësh në sallën e operacionit, mjekët konfirmojnë se gjendja është e rëndë, por pa rrezik për jetën. Por ndërkohë mjekët thonë se duhen pritur edhe disa orë për të parë parametrat e tij jetësorë dhe për të thënë përfundimisht se është tërësisht jashtë rrezikut, pasi për shkak të dëmtimeve mund të ketë komplikacione të papritura. Ndërkohë janë zbuluar edhe detaje nga atentati, ku në makinë ishin vendosur 400-500 gramë eksploziv. Lënda plasëse ishte vendosur në sipër gomës së parë, në pjesën e pasagjerit, ku shënjestra ishte pikërisht Gjini.