I dërguari special i Shteteve të Bashkuara të Amerikës për Ballkanin Perëndimor, Gabriel Escobar ka deklaruar se marrëveshja e arritur në Bruksel dhe ajo në Ohër, janë të ligjshme në çdo mënyrë dhe zbatimi i plotë, do të ndihmojë rajonin ta shërojë konfliktin më përçarës të ngrirë në Ballkan, që nga viti 1999. Ai është shprehur optimist se do të arrijnë tek zbatimi i dy marrëveshjeve. Escobar: Marrëveshja e Brukselit është një obligim ligjërisht i detyrueshëm “Dua t'ju them se procesi është një zhvillim historik në marrëdhëniet ndërmjet Serbisë dhe Kosovës. Një marrëveshje për normalizimin, sipas kushteve evropiane, që krijon një marrëdhënie paqësore, të qëndrueshme dhe të parashikueshme midis dy fqinjëve armiqësor, është një arritje e madhe. Është dashur shumë guxim politik nga presidenti Vuçiq dhe kryeministri Kurti, për të arritur atë marrëveshje. Dhe meqë ra fjala, është një obligim ligjërisht i detyrueshëm. Escobar ka përmendur edhe obligimet që duhet të përmbush Serbia dhe Kosova, me marrëveshjen e Brukselit dhe atë të Ohrit.