Dhjetëra persona besohet se kanë vdekur pasi një avion pasagjerësh i American Airlines me 64 persona në bord dhe një helikopter i ushtrisë amerikane Black Haëk u përplasën dhe ranë në lumin e ftohtë Potomac, pranë Aeroportit Kombëtar të Uashingtonit Reagan. Zyrtarët nuk kanë dhënë një numër viktimash nga përplasja e së mërkurës mbrëma, por senatori amerikan Roger Marshall nga Kansasi, nga ku nisi fluturimi, sugjeroi se shumica, nëse jo të gjithë ata që ishin në bord ishin vrarë. Nëntëmbëdhjetë trupa janë gjetur deri më tani, thotë një burim i organeve të ligjit dhe skuadrat e shpëtimit po vazhdojnë të kërkojnë në ujin e lumit me temperatura të acarta. American Airlines konfirmoi se 60 pasagjerë dhe katër anëtarë të ekuipazhit ishin në bordin e avionit. Helikopteri ushtarak Black Haëk, në një fluturim stërvitor, mbante në bord tre ushtarë, tha një zyrtar amerikan.