Bitcoin-i ka shënuar një rekord historik duke arritur vlerën e 20 mijë dollarëve. Monedha virtuale e shumëdiskutuar ka fituar më shumë se 170 përqind vlerë këtë vit në mesin e trazirave në bursa. Të mërkurën, Bitcoin u rrit me 4.5 përqind, duke arritur vlerën prej 20440 dollarësh, ndihmuar nga kërkesa nga investitorë të mëdhenj që shpresojnë te potenciali i saj për fitime të shpejta. Ka po ashtu pritshmëri se ajo mund të fitojë akoma më shumë vlerë pasi të përdoret si metodë pagese nga kompani si Starbucs dhe Microsoft. Por sidoqoftë, bitcoin-i ka rezultuar me rrisk për investitorët me kriptomonedhën që kaloi vlerën e 19 mijë dollarëve në nëntor para se të binte ndjeshëm. Edhe në vitin2017, bitcoin-i kishte shënuar një nivel jashtëzakonisht të lartë duke arritur në kuotën e 20 mijë dollarëve. Por, ajo ka njohur edhe nivele ekstremisht të ulëta dhe kishte rënë në më pak se 3300 dollarë më herët. Bitcoin tregtohet ashtu si monedhat e vërteta. Por ajo po fiton peshë tani si formë pagimi me PayPal, mes adaptuesve më të fundit të monedhave digjitale. Sidoqoftë, shumë ekspertë, apelojnë për kujdes në përdorimin e saj si mënyrë pagese për shkak të luhatshmërisë ekstreme të saj.