Xhevahir Xhevogli, 49 vjeç është vënë në prangat e policisë pasi ka realizuar 3 vjedhje dhe 1 tentativë për vjedhje, në 4 biznese në Kavajë. 49 vjeçari rezulton se ka qenë i dënuar më parë, për të njëjtin vepër penale. Policia bën me dije se 49-vjeçari, në lagjen nr. 2 në Kavajë, dyshohet se ka vjedhur shuma parash dhe sende, në 3 biznese, si dhe ka tentuar të vjedhë, në një biznes tjetër. Ndërkohë vijon puna për zbardhjen e vjedhjeve të tjera që mund të ketë kryer ky shtetas. Mbi Xhevoglin rëndon vepra penale “Vjedhja”, kryer më shumë se një herë. Arrestimi i tij erdhi në vijim të patrullimeve në terren dhe bashkëpunimit me qytetarët, në kuadër të megaoperacionit “Sundimi i ligjit”, me qëllim parandalimin e vjedhjeve, si dhe për arrestimin e shtetasve që kryejnë këtë krim. Materialet procedurale i kaluan Prokurorisë pranë Gjykatës Durrës, për veprime të mëtejshme.