Polica ka arrestuar një 24 vjecare, pasi shiste drogë në disa prej zonave më të frekuentuara të Tiranës, kryesisht në lokale nate me muzikë. Në kuadër të operacionit “Kimistja 2”, u bë arrestimi në flagrancë i Dea Zejno, 24 vjec, banuese në Tiranë. E reja shiste doza me heroinë, ekstazi, metadon dhe lëndë narkotike në formë të lëngët, në zonën e Porcelanit, Pazarit të Ri dhe Bllokut, kundrejt çmimeve që varionin nga 1.000 lekë të reja deri në 10.000 lekë të reja për një dozë apo kokërr. Gjatë kontrollit fizik edhe në banesë, 24-vjeçares iu gjetën dhe iu sekuestruan në cilësinë e provës materiale doza me lëndë të dyshuar heroinë, ekstazi, metadon dhe një celular.