Në kuadër të parandalimit dhe goditjes së krimeve kufitare, shërbimet e Policisë Rinas, në bashkëpunim me autoritetet doganore, kanë arrestuar në flagrancë një shtetas amerikan 23-vjeç. Gjatë kontrollit në valixhet e këtij shtetasi, janë gjetur mallra të ndryshme që ai nuk i kishte deklaruar në doganë, siç përcaktohet me ligj. Mësohet se mallrat e padeklaruara ishin veshje dhe aksesorë të ndryshëm, si dhe disa fatura me vlerë më shumë se 14 000 dollarë. Në cilësinë e provës materiale janë sekuestruar veshje dhe aksesorë të markave të ndryshme, ora dore, syze dielli, çanta dhe produkte të tjera, të cilat kapin vlerën e mbi 150 000 eurove. Mbi shtetasin amerikan rëndon vepra penale “Kontrabanda me mallra të tjera”. Sakaq materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme hetimore.