Specialistët për Hetimin e Trafiqeve të Paligjshme në bashkëpunim me Policinë Rrugore Gjirokastër, kanë finalizuar operacionin policor të koduar "Attempt 1", në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit. Policia ka arrestuar një 40-vje¬çar, banues në Tiranë, në aksin rrugor "Tepelenë-Krahës", në dalje të qytetit të Memaliajt, duke transportuar me automjetin tip "Volksëagen", kundrejt pagesës, 7 emigrantë nga Bangladeshi, për t’i ndihmuar ata që të kalonin në Kosovë, në mënyrë të paligjshme. Uniformat ‘blu’ kanë sekuestruar automjetin, një celular dhe një shumë parash. Materialet procedurale për rastin i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.