Një 29-vjeçar ka rënë në prangat e policisë, pas një operacioni policor të koduar “Wanted”. Shtetasi me iniciale G.Z është dënuar nga Gjykata e Posaçme e Apelit për Korrupsionin dhe Krimin e Organizuar me 5 vjet e 4 muaj burgim, për veprat penale kultivimi i bimëve narkotike kryer në bashkëpunim dhe grupi i strukturuar kriminal. Operacioni u zhvillua nga shërbimet e Komisariatit të Policisë numër 6, në vijim të punës për kapjen e shtetasve në kërkim dhe vënien e tij përpara përgjegjësisë ligjore. Prokuroria e Tiranës po zhvillon hetime të tjera si dhe veprime tprocedurale të nevojshme lidhur me arrestimin e këtij shtetasi. Operacioni “Wanted” vijon në të gjithë Shqipërinë, ku në prangat e policisë kanë rënë disa persona, të shpallur në kërkim ose të dënuar për vepra të ndryshme penale. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.