Janë vënë në pranga dy autorët e dyshuar për vrasjen e biznesmenit Rakip Roli. Skëndër dhe Llej Lika janë arrestuar këtë të shtunë nga policia, vetëm 24 orë pas atentatit të kryer ndaj biznesmenit në Sanxhak të Kurbinit. Bëhet me dije se përvec dy të arrestuarve të cilët janë babë e birë, policia ka ndaulaur edhe njën person të tretë,. Bëhet fjalë për shtetasin Klaudio Beleshi, I cili dyshohet të ketë ndihmuar autoret për atentatin. Rakip Roli, I njohur ndryshe me nofkën Piloti, u qëllua për vdekje me breshëri plumbash brenda makinës së tij tip Audi Q7 mëngjesin e 9 dhjetorit në Sanxhak të Laçit. Burimet policore bëjnë me dije se të dyshuarit janë prangosur në zonën e Fushë Milotit nga forcat e policisë së Komisariatit të Kurbinit. Grupi hetimorë ka mundur që në 24 orë të ndërkojë skemën e ekzekutimit të biznesmentit 55 vjecar. Nga të dhënat bëhet me dije se atentatoret kanë qëndruar në anë të rrugës pranë fshatit Sanxhak të Kurbinit dhe sapo automjeti i viktimës është afruar kanë qëlluar në drejtim të tij, duke bërë që Roli të ndërronte jetë në vend nga plagër e marra. Hetimet në lidhje me atentatin, janë përqëndruar tek konfliktet e biznesmenit të materialeve të ndërtimit Rakip Roli dhe djemeve të tij. Viktima, rezulton emër i njohur për policinë. Në vitin 2011 ai u arrestua pasi u përfshi në plagosjen e një 22-vjeçari, ku së bashku me një person tjetër, Petrit Sana rrahën me sende të forta të riun, duke e plagosur rëndë, pas një sherri për motive banale.