Ndalohet administratori dhe inxhinjeri i kompanisë private që fitoi tenderin pas rryshfetit të dhënë ndaj sekretares së përgjithshme të Ministrisë së Shëndetësisë, Joana Duro. Hetuesit e Byrosë Kombëtare të Hetimit në bashkëpunim me Drejtorinë e Përgjithshme të Policisë së Shtetit ekzekutuan urdhërat e ndalimit të SPAK ndaj administratorit Vladimir Topi dhe inxhinjerit të kompanisë private, për veprën penale “Korrupsioni aktiv i funksionarëve të lartë shtetërorë ose të zgjedhurve vendorë”, në bashkëpunim, parashikuar nga nene 245 dhe 25 i Kodit Penal. Bëhet fjalë për lotin e parë të tenderit me objekt “Supervizim për rikonstruksionin e disa Qendrave Shëndetësore në qarqet Tiranë e Durrës”. Kompania është shpallur fituese me një ofertë prej 672 mijë e 457 lekë dhe gjysmën e kësaj vlere e ka marrë rryshfet sekretarja e përgjithshme e ministrisë së shëndetësisë, Joana Duro.