Mjeku i njohur Tritan Kalo këmbngul në përpjekjen e tij për sensibilizimin e qytetarëve për të vayhduar të ndjekin masat ndaj Covid 19. Kalo ka lëshuar një tjetër mesazh sensibilizimi nëpërmjet rrjeteve sociale ku thekson se se qytetarët nuk duhet të dëgjojnë disa teori që thonë se COVID-19 nuk ekziston. “Mos vijoni të bëheni pre e idiotësirave të mos ekzistencës së Covid-19”, shprehet mjeku, I cili thekson më pas se ai flet nga eksperienca që po përjeton në spitalin infektiv, ku po shef se kjo sëmundje prek pacientë të çdo moshe dhe jo vetëm të moshuar siç u tha fillimisht. Mjeku I mirënjohur në fund bën thirrje për respektim të masave dhe të punonjësve të shëndetësisë e të rendit nga ana e qytetarëve pasi sipas tij vetëm kështu mund t’ia dalim mbanë përballë virusit. Javët e fundit në vendin tonë është rritur ndjeshëm numri i të infektuarve me COVID-19, nga të cilët 87 janë të shtruar në spital nga të cilët 15 janë në terapi intesive dhe 2 të intubuar. Ndërsa numri I të vdekurve nga kjo sëmundje ka shkuar në 51.