Agjencia e Mbikëqyrjes policore ka ndaluar një inspektor të Shkodrës, pasi dyshohet se ka kryer veprat penale “Falsifikimi i dokumenteve", “Falsifikimi i dokumenteve shkollore” dhe “Falsifikimi i vulave, stampave dhe formularëve”. Nga hetimet e kryera nën drejtimin e Prokurorisë, ka rezultuar se ai ka falsifikuar dokumentacione shkollore me qëllim përfitimin e padrejtë të studimeve në Fakultetin e Hetimit të Krimit në Akademinë e Sigurisë. AMP njofton se vijojnë hetimet për të zbardhur implikimin e personave të tjerë në këtë veprimtari të jashtëligjshme të inspektorit me iniciale Gj.Gj. Një ditë më parë Agencia e Mbikëqyerjes policore përjashtoi nga radhët e saj një efektve policie, pasi dyshohet se ka kryer veprën penale të mashtrimit, duke shfrytëzuar postin e saj, si oficere e Policisë Gjyqësore. Pas ekzekutimit të urdhrit për kthimin e një mjeti të sekuestruar, nëpërmjet mashtrimit ka përvetësuar mjetin dhe në bashkëpunim me një person tjetër e kanë shitur atë për pjesë këmbimi me qëllim përfitimi.