Agjencia e Mbikëqyrjes Policore ka arrestuar në flagrancë punonjësin e policisë me detyrë pranë komisariatit të Policisë Lezhë, i dyshuar për kryerjen e veprës penale “Drejtim i automjetit në mënyrë të parregullt”. Efektivi I Policisë u arrestuar mbrëmjen e të mërkurës, rreth orës 22:00 në vendin e quajtur lagjia “Caraj”, Lezhë pasi po drejtonte mjetin e tij në gjendje të dehur. Punonjësi I Policisë me iniciale G.G. teksa drejtonte automjetin tip Nisan është përplasur me një automjet tip Volsvagen. Si pasojë e përplasjes janë dëmtuar të dy drejtuesit e mjeteve të cilët ndodhen në Spitalin Rajonal Lezhë nën kujdesin e mjekëve.