Ambasadori i Bashkimit Europian në Tiranë, Luigi Soreca ka reaguar sërish për Reformën në Drejtësi në vendin tonë nëpërmjet një mesazhi për magjistratët e rinj. Duke theksuar se reforma në drejtësi po ecën përpara dhe zbatimi i saj duhet të vazhdojë Soreca shprehet se shkolla e magjistraturës ka të ardhmen e reformës në drejtësi në duart e saj. “Është mirë të shohësh se shumë të rinj shqiptarë janë të gatshëm të jenë pjesë e sistemit të ri të drejtësisë. Ne i urojmë më të mirat aplikantëve të sotëm për magjistratë dhe ndihmës ligjorë, 277 kandidatë për 100 poste për këtë vit akademik. Shkolla ka të ardhmen e reformës në drejtësi në duart e saj – dhe Bashkimin Evropian në krah të saj. Shqipëria ka nevojë për magjistratë të rinj të cilët janë vërtet të pavarur, të gatshëm të rezistojnë nga ndërhyrjet politike dhe presioni i mediave’ shkruan ambasadori I BE.