48 ore nga miratimi i ndryshimeve kushtetuese opozita jashteparlamentare i kerkoi takim diplomates amerikane Yuri Kim dhe ambasadorit te BE Luigi Soreca, te cilet u investuan fort per marreveshjen politike te 5 Qershorit. Per me shume se 1 ore diplomatet e huaj u njohen me qendrimet e Lulzim Bashes dhe krereve te opozites per hapjen 100% te listave dhe ruajtjen e formules se koalicioneve parazgjedhore si dhe perpjekjet e njeanshme sipas tyre te mazhorances per te ndryshuar Kushtetuten. Diplomatja amerikane Kim dhe ai i BE-se Soreca pas takimit nuk paten nje qendrim ne lidhje me propozimin e opozites jashteparlamentare, ndersa ne nje deklarate te shperndare per mediat opozita e bashkuar theksoi se- :"logjika e “faktit të kryer” që përdor Kryeministri Rama është një përpjekje e vazhdueshme për të minuar dialogun politik, ndersa garantoj se nuk do të bjerë pre e këtij provokimi, duke vazhduar të jetë e angazhuar për dialog dhe për të ruajtur arritjen e konsensusit dhe Marrëveshjes së 5 Qershorit, që është kyç, sipas saj për stabilitetin, demokracinë dhe për procesin e integrimit europian të Shqipërisë në BE.